У гэтым артыкуле мы падзелімся з вамі рэкамендацыямі, якія дапамогуць вам пераадолець фінансавыя праблемы.
Нават тыя, хто матэрыяльна забяспечаны, могуць сутыкнуцца з фінансавымі цяжкасцямі, якія могуць наступіць, напрыклад, праз працяглую хваробу або страту работы. Важна разумець, як правільна дзейнічаць у гэтых сітуацыях, каб пазбегнуць пагаршэння праблем і як мага хутчэй аднавіць сваю фінансавую стабільнасць.
Парада 1. Ацаніце сітуацыю
Перш за ўсё трэба прааналізаваць сітуацыю і сумленна ацаніць сваё фінансавае становішча. Задайцеся галоўным пытаннем – як так выйшла, што вы апынуліся ў цяжкай фінансавай сітуацыі. Прычыны могуць быць рознымі: напрыклад, страта работы, дэкрэтны адпачынак, высокі крэдытны цяжар, буйныя імпульсіўныя пакупкі ці траты на забавы…
У залежнасці ад прычыны, рознымі будуць і дзеянні, якія трэба распачаць: зніжэнне расходаў, павелічэнне даходаў, зварот за фінансавай дапамогай, аптымізацыя даўгоў і г.д. Таму важна зразумець, што з'яўляецца прычынай канкрэтна вашага цяжкага фінансавага становішча, а потым, зыходзячы з гэтага, ажыццяўляць далейшыя дзеянні.
Парада 2. Перагледзьце свае расходы
У цяжкай фінансавай сітуацыі неабходна правесці "інвентарызацыю" расходаў: трэба падзяліць усе выдаткі на абавязковыя (прадукты харчавання, камунальныя паслугі, транспарт) і другарадныя (забавы, абнаўленне гардэробу). Гэта дапаможа зразумець, дзе магчыма памяншэнне расходаў без шкоды для асноўных патрэб.
Перыяд часовых фінансавых цяжкасцяў – гэта як раз той час, калі варта ўспомніць пра сваю фінансавую падушку бяспекі. Яна на гэты выпадак і ствараецца! Але звяртайцеся да падушкі бяспекі толькі для пакрыцця абавязковых выдаткаў.
Парада 3. Вядзіце сямейны (асабісты) бюджэт
У крызіснай сітуацыі вядзенне бюджэту дапаможа вярнуць кантроль над сітуацыяй. Так вы зможаце ацаніць даходы і выдаткі, пераразмеркаваць сродкі, фарміраваць рэалістычныя планы. Аналізуючы катэгорыі расходаў, можна скараціць непатрэбныя пакупкі і зэканоміць на выдатках без шкоды для якасці жыцця. Акрамя таго, вядзенне сямейнага бюджэту папярэджвае імпульсіўныя траты, бо ўжо сама неабходнасць запісваць выдаткі часта матывуе не траціць лішняга.
Парада 4. Аптымізуйце даўгі
Нават калі вы перажываеце фінансавыя цяжкасці, старайцеся своечасова аплачваць крэдыты і даўгі, бо нявыплата можа прывесці да яшчэ большых расходаў, такіх як пеня або штраф. Пры сур'ёзных цяжкасцях з выплатай па крэдытах – неадкладна звярніцеся ў банк. Многія фінансавыя інстытуты гатовы прапанаваць праграмы рэструктурызацыі запазычанасці ці даць крэдытны адпачынак, галоўнае – праявіце ініцыятыву. На практыцы большасць крэдытных арганізацый маюць механізмы падтрымкі кліентаў у выпадку абгрунтаваных фінансавых цяжкасцяў.
У складаныя перыяды пазбягайце афармлення новых крэдытаў і запазычанасцяў. Калі ўзяты вамі крэдыт быў застрахаваны, праверце, ці трапляе ваша жыццёвая сітуацыя пад умовы страхоўкі. Выкарыстоўвайце беспрацэнтныя растэрміноўкі для пакупак толькі калі вы ўпэўненыя ў сваёй здольнасці своечасова ўносіць плацяжы па іх.
Парада 5. Шукайце шляхі павелічэння даходаў
Пераканайцеся, што выкарыстоўваеце ўсе ільготы, якія вам належаць, такія, напрыклад, як дапамога па беспрацоўі. Не забудзьцеся пра падатковыя вылікі за медыцынскія паслугі, адукацыю або жыллё.
Аднавіце рэзюмэ, актыўна маніторце вакансіі і звяжыцеся з сябрамі і знаёмымі.
Падумайце, каб зарабляць на сваіх захапленнях. Калі вы займаецеся рукадзеллем або фатаграфіяй, гэтыя ўменні можна ператварыць у крыніцу дадатковага даходу.
Прадайце непатрэбныя рэчы праз анлайн-маркет патрыманых рэчаў.
Парада 6. Рухайцеся маленькімі крокамі
Пераадоленне фінансавых цяжкасцяў патрабуе часу, цярпення і самадысцыпліны. Кожны ваш крок на шляху да паляпшэння сітуацыі набліжае вас да фінансавай устойлівасці і камфорту. Штодня вылучайце час на планаванне і аналіз вашага фінансавага стану.
Вопыт праходжання падобных выпрабаванняў часта дапамагае людзям набыць новыя навыкі, веды і больш свядомае стаўленне да грошай.
Не бойцеся звяртацца за падтрымкай да сяброў, сям'і і спецыялістаў – дапамога навакольных важная ў падобных сітуацыях.
Фінансавыя цяжкасці можна разглядаць як выпрабаванне, якое робіць нас мацнейшымі – замест таго, каб канцэнтравацца на негатыве, засяродзьцеся на пошуку рашэння. Важна захоўваць веру ў свае сілы, і вы пераадолееце фінансавыя праблемы нашмат хутчэй!