03.09.2024
RSS-канал
#Школьнікі #Моладзь #Педагогі #Алімпіяда

Рэспубліканская алімпіяда па фінансавай граматнасці сярод школьнікаў пройдзе ў Беларусі ў верасні – снежні 2024 года.

Арганізатарамі алімпіяды выступаюць Нацыянальны банк і Міністэрства адукацыі.

 

Алімпіяда пройдзе ў чатыры этапы:

 

  • ва ўстановах адукацыі – у верасні 2024 года;
  • раённы этап – 18 кастрычніка 2024 года;
  • абласны (Мінскі гарадскі) этап – 15 лістапада 2024 года;
  • заключны этап – 13 снежня 2024 года.

Алімпіядныя заданні ўключаюць пытанні ў выглядзе тэстаў з варыянтамі адказаў па наступных тэмах: асабістыя фінансы, наяўныя грошы, зберажэнні, крэдыты і фінансаванне, лічбавы банкінг, дзейнасць цэнтральнага банка, страхаванне, падаткі, інвестыцыі; таксама ўключаны шэраг задач на разлікі і вылічэнні, якія тычацца фінансаў.

 

У дапамогу навучэнцам і педагогам для падрыхтоўкі да алімпіяды Нацыянальным банкам распрацаваны метадычныя рэкамендацыі, якія ўключаюць апісанне тэм заданняў, крыніцы інфармацыі, што рэкамендуюцца, прыклады пытанняў з адказамі і тлумачэннямі. Прапануем азнаёміцца з метадычнымі рэкамендацыямі і заданнямі мінулых гадоў 

 

Алімпіяда праходзіць у нашай краіне штогод пачынаючы з 2014 года і з'яўляецца адным з найбольш маштабных нацыянальных мерапрыемстваў па павышэнні фінансавай граматнасці. Летась у алімпіядзе ўзялі ўдзел больш за 25 тысяч навучэнцаў з 2 270 устаноў адукацыі Рэспублікі Беларусь.

Рэкамендаванае

Лекция по финансовой грамотности в Национальной библиотеке
02.09.2024

1 сентября в Национальной библиотеке Беларуси в рамках лекционно-образовательного фестиваля "Уроки мира" городского праздника ко Дню знаний состоялась лекция по финансовой грамотности.

Даведацца больш
Вынікі даследавання па ацэнцы фінансавай граматнасці насельніцтва Беларусі
18.07.2024

Фінансавая граматнасць насельніцтва Беларусі паступова павышаецца, пры гэтым веды і навыкі прырастаюць больш хуткімі тэмпамі ў параўнанні з практыкамі паводзін. Аб гэтым сведчаць вынікі даследавання "Ацэнка і аналіз фінансавай граматнасці насельніцтва Рэспублікі Беларусь", праведзенага сёлета Інстытутам сацыялогіі НАН Беларусі па заказе Нацыянальнага банка.

Даведацца больш
Увага! Метадычныя матэрыялы
16.04.2024

Прапануем вашай увазе вялікую колькасць матэрыялаў для правядзення ўрокаў па факультатыўным курсе "Фінансавая граматнасць", арганізацыі дадатковай адукацыі навучэнцаў, правядзення тэматычных класных гадзін і інш.

Даведацца больш